რუსეთის სამხრეთ საზღვარზე, საქართველოსთან, ნაცნობი მასობრივი გადინება მეორდება

რუსეთის სამხრეთ საზღვარზე, საქართველოსთან, ნაცნობი მასობრივი გადინება მეორდება. გასულ კვირას, ზემო ლარსის საკონტროლო-გამშვები პუნქტის გავლით, საქართველოში რუსეთის 113 000-ზე მეტი მოქალაქე შევიდა – წერს გამოცემა Politico. სტატიაში ნათქვამია, რომ გადაადგილების ეს მკვეთრი ზრდა ასახავს მზარდ შიშს, რომ კრემლი მობილიზაციის ახალი ტალღის გამოსაცხადებლად ემზადება
Politico-ს ინფორმაციით, რუსეთის ხელისუფლებამ ბოლო თვეებში გააძლიერა რეზერვისტების შესახებ მონაცემების შეგროვება, გაამკაცრა ზომები საკონტრაქტო სამხედროების გასაწვევად და გააფართოვა როსგვარდიის უფლებამოსილებები მობილიზაციის შემთხვევისთვის. უფლებადამცველები ასევე აფიქსირებენ გაწვევის ასაკის მამაკაცებისგან, განსაკუთრებით კი თადარიგში მყოფთაგან, დახმარების თხოვნით მიმართვების ზრდას. ამავდროულად, კრემლი უარყოფს ხმებს მობილიზაციის შესახებ და აცხადებს, რომ მასობრივი გაწვევა არ არის საჭირო და არც იგეგმება