“კლესიასაც მოეპყარით წესიერად. ვიცი, რასაც ვამბობ და თქვენც მიხვდებით, რაზეა საუბარი…” – რას ამბობს მთავარეპისკოპოსი იაკობი

“დღეს აბა შეხედეთ რა, მთელი მსოფლიო არეულია, ომებია, ნუთუ თქვენ გგონიათ, რომ ან ეკლესიას შეგვიძლია, ან მთავრობას, ან ოპოზიციას, რომ გააჩეროს აქ ვინმე არ შემოვიდეს და არევ-დარევა არ იყოს?! ეს ხო ღმერთია არა?! ღმერთი არ დაუშვებს, რომ შიგნით რაღაცა მოხდეს იმიტომ, რომ თქვენ ხართ გმირი ერი…
…ხშირად ვიძახით, რომ შევრიგდეთ, გავერთიანდეთ და შეხედეთ რა. ერთი მხრიდან არის, რომ რუსები, რუსები უძახიან ვიღაცებს, მეორე მხარეა – აგენტები, აგენტები, აგენტები იძახის და რეალურად მაგით შევრიგდებით? ვის საქმეს ვაკეთებთ? თუ იმის შნო არ გქონდა, რომ ნებისმიერთან დაილაპარაკე, ეს იქნება შენი ოკუპანტი, თუ არაოკუპანტი, ნებისმიერთან უნდა შეგეძლოს დალაპარაკება, რომ შენი ინტერესი გაატარო. თუ ყველას ვერ დაელაპარაკე, მსოფლიო დიდია და შეგვჭამენ…
….უწმინდესმა ისე დაგვტოვა, იცოდეთ, რომ ვართ ძალიან ძლიერად. ყოველთვის დაგიცავთ ჩვენს ერს, ვისაც საჭიროა დაგიცავთ. უბრალოდ, პატრიარქმა ძალიან ბევრი გააკეთა. თავმდაბალი კაცი ბრძანდებოდა და იძახოდა, რომ შვიდგზის ლოცვებია, რომ შვიდჯერ ერთად უნდა გველოცა…
სრული სიმშვიდე რომ გვქონდეს, ერთობისკენ უნდა წავიდეთ აუცილებლად, თუ არა რისი ქრისტიანი ხარ და რისი ღვთისმშობლის ისა ხარ ხო?! იქ ხომ გეტყვის, რომ მიხვალ რა, მოწინააღმდეგე რომ ხარო, წყეულო, გადიო აქედანო. ხო დავდიოდიო ეკლესიაში, მოვდიოდიო და არც ტაძრების აშენება სჭირდება უფლას, არც არაფერი. ერთმანეთს არ შევუშალოთ ხელი, რომ სულიწმინდის ტაძრები ავაშენოთ, ერთმანეთს დავეხმაროთ მაგაში, რომ თითოეული ჩვენგანი გავხდეთ სულიწმინდის ტაძარი. თორე, ეკლესიას როცა სჭირდებოდა, ყოველთვის იქ იდგა, ყოველთვის იქ იდგა, სადაც ღმერთს სჭირდებოდა, საქართველოსთვის და ყოველთვის დადგება, უბრალოდ არ გვინდა, ჩვენ მხარე ვერ გავხდებით, მაგრამ გვინდა, რომ ერთმანეთთან პატივისცემა იყოს და ეს სულელური რაღაცები არ გრძელდებოდეს და გავჩერდეთ, რა. ვინმე თუ კიდე დააპირებს ჩვენზე პასუხის გაცემას, ვანახებ, როგორ უნდა პასუხის გაცემა. როგორც უნდათ, ისე მიიღონ რა. ქართველები ვართ და დაგვაცადონ წესიერად ცხოვრება ჩვენს ქვეყანაში. გქირაობთ, გირჩევთ, ვინც არ აგვირჩევიხართ, ისინიც ხომ ჩვენმა ერმა უნდა აირჩიოს და ყველა ჭკვიანად იყავით, არჩეულებიც და ვისაც არჩევა გინდათ. ჩვენს მოთმინებასაც საზღვარი აქვს. ეკლესიასაც მოეპყარით წესიერად. ვიცი, რასაც ვამბობ და თქვენც მიხვდებით, რაზეა საუბარი” – ამბობს ბოდბელი მთავარეპისკოპოსი იაკობი მარიამობის დღესასწაულთან დაკავშირებით ქადაგებისას.