პარლამენტის იურიდიულ საკითხთა კომიტეტის თავმჯდომარის არჩილ გორდულაძის განცხადებით, კანონის წინაშე ყველა თანასწორია.
მისივე თქმით, ირაკლი ღარიბაშვილს დანაშაული აღიარებული აქვს, თუმცა მას შესაძლებლობა აქვს, სამართლიანი სასამართლოს ფარგლებში თავისი უდანაშაულობა დაამტკიცოს.
„არსებობს ირაკლი ღარიბაშვილის მიერ აღიარებული ბრალი, რომელიც სასამართლოს მიერ დამტკიცებულია. ბრალი ედება კორუფციულ საქმიანობაში. მას შესაძლებლობა აქვს, სამართლიანი სასამართლოს ფარგლებში თავისი უდანაშაულობა დაამტკიცოს. რამდენად დაამტკიცებს, როცა თავად აქვს დანაშაული აღიარებული. მძიმეა, როცა ამ ყველაფერს ჩვენი გუნდის ერთ-ერთ ყოფილ ლიდერზე ვსაუბრობთ, მაგრამ ეს კიდევ ერთხელ ადასტურებს, რომ საქართველო სამართლიანი სახელმწიფოა“, – განუცხადა გორდულაძემ საქართველოს პირველ არხს.
24 აგვისტოს პროკურატურამ ირაკლი ღარიბაშვილს განსაკუთრებით დიდი ოდენობით ქრთამის აღების ფაქტზე ახალი ბრალი წარუდგინა.