“აჭარა თაიმსის” ინფორმაციით, მოქალაქები ახალ ბულვარში ცხოველების მიმართ სასტიკ მოპყრობაზე საუბრობენ.
„მინდა გავავრცელო ინფორმაცია ცხოველების მიმართ სასტიკი მოპყრობის შესახებ. ახალ ბულვარში ერთ-ერთი რესტორნის მფლობელი წლების განმავლობაში წამლავს ძაღლებს. არსებობს ვიდეომტკიცებულებები და დაზარალებული ცხოველები. სამწუხაროა, რომ ის ჯერ კიდევ არ არის პასუხისგებაში მიცემული. ხალხმა უნდა იცოდეს სიმართლე“, – გვწერს მოქალაქე.
მოქალაქეების მიერ მოწოდებულ ვიდეომასალაში ჩანს ორი პირი, რომლებიც მიუსაფარ ცხოველებზე ფიზიკურად ძალადობენ.
„აჭარა თაიმსი“ აღნიშნულ საკითხზე შინაგან საქმეთა სამინისტროს დაუკავშირდა. უწყებისგან კომენტარის მიღების შემთხვევაში, მასალა განახლდება.