“30 წლის გიორგის სიცოცხლე შეიწირა “ჯორჯიან მანგანეზის” მიერ ღია კარიერული წესით მოპოვებისას ამოთხრილმა ორმომ ჭიათურაში – გიორგი ღუღუნიშვილი შებინდებისას სახლში ბრუნდებოდა, როცა ზუსტად გზის პირას არსებულ წყლით სავსე ღრმულში ჩავარდა და გარდაიცვალა.
ასე ტოვებს ხოლმე სიკვდილის უფსკრულებს კომპანია ჭიათურაში, სადაც ხან ადამიანები ვარდებიან, ხან შინაური ცხოველები, ხან ავადდებიან.
საქსტატის მონაცემებით, ჭიათურაში ბოლო 10 წელში 20%-ით შემცირდა მოსახლეობის რაოდენობა. ვინც დარჩა მათი 30% შემწეობას იღებს.
ამავე პერიოდში დაბადებულთა რაოდენობა 2-ჯერ შემცირდა და ყოველ წელს იკლებს. უკვე გარდაცვალებაც თითქმის 2-ჯერ აღემატება შობადობას.
ახლა ჭიათურის კიდევ ერთ სოფელს, ზოდს მიადგნენ ამოხაფვისთვის, იქ, სადაც ყოველი მესამე ადამიანი ოფიციალურად შემწეობის შემყურეა.
სამაგიეროდ, ჭიათურის დელეგატი პაატა კვიჟინაძე მილიონი დოლარის ღირებულების უძრავ ქონებას ფლობს მოსკოვსა და თბილისში. მილიონობით მოგებას იღებს ყოველწლიურად კომპანია “ჯორჯიან მანგანეზი” – წერს სალომე სიმონია სოციალურ ქსელში და ფოტოს აქვეყნებს.