საქართველოში ამინდი უახლოეს დღეებში შეიცვლება.
გარემოს ეროვნული სააგენტოს ინფორმაციით, 26 აგვისტოს ქვეყნის მასშტაბით მოსალოდნელია დროგამოშვებით ღრუბლიანობის მატება. ამინდის ცვლილებას განაპირობებს შედარებით გრილი და ცხელი ჰაერის მასების ურთიერთქმედება.
მოსალოდნელია, რომ ცალკეულ რაიონებში ხანმოკლე წვიმა და ელჭექი დაფიქსირდეს. ამინდის გაუარესების ფონზე შესაძლებელია ქარის გაძლიერებაც, რის გამოც სინოპტიკოსები მოსახლეობას სიფრთხილისკენ მოუწოდებენ.
თბილისში 26 აგვისტოს ტემპერატურა დაახლოებით +34 გრადუსამდეა მოსალოდნელი, ხოლო მომდევნო დღეებში ტემპერატურის კლების ტენდენცია იკვეთება 27-28 აგვისტოს დღისით დაახლოებით +30 გრადუსი, თვის ბოლოს კი +26 გრადუსამდე.