უკრაინამ Patriot-ის სისტემებისთვის რაკეტების მცირე პარტია მიიღო. ამის შესახებ უკრაინის პრეზიდენტმა, ვოლოდიმირ ზელენსკიმ ესტონეთის პრეზიდენტ ალარ კარისთან ერთად გამართულ პრესკონფერენციაზე განაცხადა.
ზელენსკის თქმით, ის ზუსტ რაოდენობას ვერ დაასახელებს, თუმცა მეტი სჭირდებათ.
ჩვენ Patriot-ის რაკეტების მცირე რაოდენობა მივიღეთ. ვერ ვიტყვი რამდენი, მაგრამ მცირე რაოდენობაა. მეტი გვჭირდება,” – თქვა ზელენსკიმ.
მისივე თქმით, მან დასძინა, რომ ბოლო დღეებში უკრაინამ პარტნიორებისგან სხვა დახმარების პაკეტი და ვალდებულებები მიიღო. კერძოდ, ლიეტუვისა და ფინეთის წარმომადგენლებისგან თავდაცვის პაკეტი, ხოლო ნორვეგიამ 2027 წლისთის, უკრაინისთვის 9 მილიარდი დოლარის დაფინანსება დაადასტურა.
ჩვენ მივიღეთ დადასტურება, არ ვიტყვი რომელი ქვეყნიდან, Crotale-ს რამდენიმე საჰაერო თავდაცვის სისტემისა და მათთვის განკუთვნილი რაკეტების შესახებ. ჩვენ ასევე მივიღეთ AIM რაკეტები. ეს ჩვენთვის ძალიან მნიშვნელოვანი რაკეტებია,” – დასძინა უკრაინის პრეზიდენტმა.