პესკოვის თქმით, ვნუკოვოს აეროპორტში აშშ-ის სამხედრო-საჰაერო ძალების თვითმფრინავის ჩასვლის შესახებ ინფორმაციას კრემლში არ ფლობენ – როგორც კრემლის პრესსპიკერი ამბობს, ამ კვირაში რუსული მხარე აშშ-ის ადმინისტრაციის წარმომადგენელთან შეხვედრას არ გეგმავს.
ცოტა ხნის წინ ცნობილი გახდა, რომ აშშ-ის სამხედრო-საჰაერო ძალების სატრანსპორტო თვითმფრინავი Boeing C-17A მოსკოვის ვნუკოვოს აეროპორტში დაეშვა. ინფორმაცია „რია ნოვოსტიმ“ გაავრცელა და დაწერა, რომ თვითმფრინავი ლატვიის დედაქალაქიდან დაახლოებით დილის 08:50 საათზე აფრინდა და ვნუკოვოში დაახლოებით დილის 10:00 საათზე დაეშვა. რუსული მედია წერს, რომ ფრენის ისტორიის თანახმად, ამერიკული თვითმფრინავი რიგაში 23 აგვისტოს ვაშინგტონთან ახლოს მდებარე ენდრიუსის საჰაერო ძალების ბაზიდან ჩაფრინდა