პენიტენციური სამსახურის ადმინისტრაციული დეპარტამენტის უფროსი, ნიკა აბრამიშვილი წერილობით განმარტავს, რატომ არ შეაგზავნინეს პატიმრებისთვის ლაშა ბუღაძის რომანი “დამკვირვებელი”:
“ლაშა ბუღაძის რომანის “დამკვირვებლის” სათაური რომანის შინაარსთან დაკავშირებით ბუნდოვანებას ქმნის და არ იძლევა ერთმნიშვნელოვანი ინტრერპრეტაციის საშუალებას, განსაკუთრებით პენიტენციურ დაწესებულებასთან მიმართებით, რის გამოც მისი პენიტენციურ დაწესებულებაში დაშვება არ იქნა მიჩნეული მიზანშეწონილად” – აქვე დამატებით გაცნობებთ, რომ გაურკვეველი შინაარსის ლიტერატურა, რომელიც შესაძლებელია საფრთხეს უქმნიდეს ბრალდებულის/მსჯავრდებულის უსაფრთხოებას და დაწესებულების ნორმალურ ფუნქციონირებას, ვერ იქნებოდა შეგზავნილი პენიტენციურ დაწესებულებაში, მიუხედავად იმისა, თუ ვინ არის მისი ავტორი” – ნათქვამია ოფიციალურ წერილში, რომლითაც აბრამიშვილმა ადვოკატ გიორგი ჩხეიძეს უპასუხა.
თავად ავტორი, ლაშა ბუღაძე ამ ფაქტს პოლიტიკურ ცენზურად აფასებს. რომანი “დამკვირვებელი” 4 ოქტომბრის საქმეზე დაპატიმრებული ნანა სანდერისთვის გადასაცემად რუსთავის მეხუთე ქალთა დაწესებულებაში სამოქალაქო აქტივისტმა გიორგი რომელაშვილმა მიიტანა, თუმცა წიგნი ციხის თანამშრომლებმა მას უკან დაუბრუნეს.
რატომ არ შეაგზავნინეს პატიმრებისთვის ლაშა ბუღაძის რომანი “დამკვირვებელი”
