მომსახურებები, რომელიც ივლისში ყველაზე მეტად გაძვირდა

ავტომობილის შეკეთება და რეცხვა, მობილური ტელეფონის შეკეთება – ეს იმ მომსახურებების მცირე ჩამონათვალია, რომელიც მიმდინარე წლის ივლისში ყველაზე მეტად გაძვირდა.

ზოგადად კი, გასულ თვეს საქართველოში წლიურმა ინფლაციამ 5.5% შეადგინა, ხოლო წინა თვესთან შედარებით ფასების დონე 0.4%-ით შემცირდა. საქსტატის მონაცემებითვე, ივლისში საბაზო ინფლაცია 3.8% იყო, ხოლო თამბაქოს გარეშე წლიური საბაზო ინფლაცია – 3.5%.

„ბიზნესპრესნიუსი“ საქსტატზე დაყრდნობით გთავაზობთ იმ მომსახურებებს, რომელიც 2026 წლის ივლისში გასული წლის ანალოგიურ პერიოდთან შედარებით ყველაზე მეტად გაძვირდა:

ავტომობილის შეკეთება – 25.5%

მამაკაცის ფეხსაცმლის შეკეთება – 22.08%

ავტომობილის რეცხვის გადასახდელი – 21.12%

მობილური ტელეფონის შეკეთება – 16.09%

ქალის თმის დავარცხნა – 15.08%

მღებავის მომსახურება – 15.06%

მამაკაცის ტანსაცმლის გადაკეთება – 14.10%

სანტექნიკოსის მომსახურება – 14.07%

მამაკაცის თმის შეჭრა – 14.06%

ელექტროგაყვანილობის ხელოსნის მომსახურება – 12%