თბილისის მერია ჩუღურეთის რაიონში, აღმაშენებლის გამზირის თამარ მეფის გამზირიდან სანქტ-პეტერბურგის ქუჩამდე მონაკვეთის რეაბილიტაციას გეგმავს. სამუშაოების შესყიდვაზე სახელმწიფო ტენდერი გამოცხადდა, რომლის სავარაუდო ღირებულება 6 696 865 ლარია.
პროექტის მიხედვით, გამარჯვებულ კომპანიას აღმაშენებლის გამზირზე გზის რეაბილიტაციის ფარგლებში მოუწევს დაზიანებული საგზაო საფარის აღდგენა და ახალი გზის სამოსის მოწყობა, ტროტუარების რეაბილიტაცია და საჭიროების შემთხვევაში დაზიანებული გრანიტისა და ტრავერტინის ფილების ახალი, ანალოგიური მასალით ჩანაცვლება, ეზოებში შესასვლელებისა და გზასთან არსებული მიერთებების მოწესრიგება, ასევე სანიაღვრე სისტემის აღდგენა და ახალი წყალსაშვები ჭების მოწყობა. პროექტი ითვალისწინებს ნარჩენების კონტეინერებისთვის სპეციალური ჯიბეების მოწყობას, თანამედროვე სტანდარტების შესაბამისი საგზაო მონიშვნისა და ახალი საგზაო ნიშნების დამონტაჟებას.განაგრძე კითხვა