“გუშინ დედა დავკრძალე!
დედაჩემი, რომელიც კლინიკაში სრულიად სხვა დიაგნოზით შევიყვანე და რომლის სიცოცხლის გადასარჩენად ბოლომდე წამამდე ვიბრძოდით.
კავკასიის მედიცინის ცენტრში ყოფნის პერიოდში განუვითარდა ნაწოლები, მდგომარეობა გართულდა ინფექციით და მერე სეფსისით და საბოლოოდ მე დედაჩემი დავკარგე.
მე მაქვს კითხვები კავკასიის მედიცინის ცენტრთან (სავარაუდოდ დამბლოკეს რადგან ვერ ვნიშნავ) და მოვითხოვ პასუხს თითოეულ კითხვაზე!
როგორც შვილი, ყველაფერს გავაკეთებ იმისთვის, რომ სრულად დადგინდეს, რა მოხდა დედაჩემის მკურნალობის პერიოდში და რამდენად სათანადოდ იყო მოვლილი, შეიძლებოდა თუ არა ამ გართულებების თავიდან აცილება და ვის ეკისრება პასუხისმგებლობა. დედაჩემი კლინიკაში შეყვანამდე თავად გადაადგილდებოდა ამიტომ ნაწოლების მანამდე ქონა გამორიცხული, ყველა მტკიცებულება მაქვს ამის დასადასტურებლად!
ასევე მაქვს ეჭვი რომ არასათანადო მოპყრობასაც ჰქონდა ადგილი, რადგან თავად დედაჩემმა მითრა ამის შესახებ!
მივმართავ ყველა შესაბამის ინსტანციას, მოვითხოვ სამედიცინო დოკუმენტაციისა და ჩატარებული მკურნალობის სრულ შესწავლას და სამართლებრივი გზით ბოლომდე ვიბრძოლებ სიმართლის დასადგენად.
თუ დადასტურდება, რომ დედაჩემის მდგომარეობის ასეთი დამძიმება არასათანადო მოვლის ან სამედიცინო დაუდევრობის შედეგი იყო, ყველაფერს გავაკეთებ იმისთვის, რომ პასუხისმგებელმა პირებმა პასუხი აგონ.
მე სამწუხაროდ დედას ვეღარავინ დამიბრუნებს.
მაგრამ დედაჩემის გამო არ გავჩერდები. ბოლომდე მივყვები ამ საქმეს, ვინც
მიცნობს მიხვდება რომ სანამ არ გავიგებ ზუსტად რა მოხდა და რატომ დავკარგე დედა და ყველა მისი დატანჯული წამისთვის არ მივიღებ ყველა კითხვაზე პასუხს არ გავჩერდები, ერთ ადამიანს მაინც თუ გადავარჩენ მათი დაუდევრობისგან, ჩემთვის ესეც საკმარისი იქნება!” – წერს ნინი ცნობილაძე სოციალურ ქსელში
“გუშინ დედა დავკრძალე!…” – რას წერს ნინი ცნობილაძე სოციალურ ქსელში
