“ეს არის ოთარაანთ ქვრივი – თანამედროვე ოთარაანთ ქვრივი…” – ნინო კასრაძის კომენტარი გარდაცვლილი მასწავლებლის დედაზე

“ეს არის ოთარაანთ ქვრივი – თანამედროვე ოთარაანთ ქვრივი. მე ასეთი რამ არ მინახავს, ეს არის ყველას დედის სათქმელი… შენ როგორც რაღაც დამბადი საგანი – დაბადებ, გაზრდი და შემდეგ არავინ არაფერს გეკითხება, არც მის უსაფრთხოებას… შენ რომ გული გტკივა რა არის? – მორჩა ან ომში უკრავენ თავს, როგორც რუსეთში, ან განწირულია რაღაც უბედური შემთხვევებისთვის ქუჩაში. ეკა კუპატაძე ადამიანია, რომელმაც გლოვაც გადააქცია ქმედით ინსტრუმენტად და ძალად. ჩემი ქალური და ადამიანური პატივისცემა ამ ქალის მიმართ, რომელიც ყველაფერს ერთად ებრძვის. ამ ქალის ბრძოლამ აჩვენა – რა სავალალო მდგომარეობაშია ჩვენი საზოგადოება ბევრი კუთხით,” – განაცხადა მსახიობმა ნინო კასრაძემ “ფორმულას” ეთერში.