12 წლის შემდეგ განახლებული საგამოძიებო მოქმედებები – მლეთაში, იმ ტერიტორიის ხელახალი შემოწმება მიმდინარეობს, საიდანაც 2014 წელს დაკარგული ბიჭის კვალი გაქრა.
ადგილს, საიდანაც წლების წინ გურამ დადიანიძის კვალი გაქრა შინაგან საქმეთა სამინისტროს თანამშრომლები მაშველებთან ერთად ათვალიერებენ.
მიმდინარეობს ნიადაგის გამოკვლევა სპეციალური სკანერით. ასევე არეალის დათვალიერება დრონების გამოყენებით. საგამოძიებო მოქმედებებს ადგილზე აკვირდება გაუჩინარებული ბიჭის დედაც.
სოფო ბიბილაშვილის თქმით, სამუშოები უამინდობის გამო შეწყდა.
დიდი წვიმა დაიწყო ძალიან და შეწყდა, დილას ისევ განახლდება, თუ არ იწვიმა. საკმაოდ დიდი ტერიტორია შემოწმდა. მე არც ერთი დღე არ გავჩერდები, რომ არ მივიდე. მეგობრებმა სადაც ბოლოს ნახეს გურიკა, გუშინ შემოწმდა, – ამბობს დადიანიძის დედა.