ყველაფერი სიცრუეა – ასე პასუხობს ძალადობაში მხილებული პოლიციის ყოფილი მაღალჩინოსანი “პირველების” კითხვას.
იოსებ სიგუა სააპელაციო სასამართლოს გადაწყვეტილების მოლოდინში. პოლიციელი შემაკავებელი ორდერის გაუქმებას ითხოვს.
მისი ყოფილი მეუღლის განცხადებით, სიგუას პირველი ინსტანციის გადაწყვეტილების შეცვლა თანამდებობაზე დასაბრუნებლად უნდა. საბოლოო განაჩენს სასამართლო 13 აგვისტოს გამოაცხადებს.
“არც სამაჯური მაქვს და არაც შემაკავებელი. ყველანაირი ბრალდება აბსურდულია. ამ ეტაპზე არაფრის [ძალოვან სტრუქტურაში დაბრუნების] სურვილი არ მაქვს”- თქვა სიგუამ.
სოფიო სიგუა ამბობს, რომ შემაკავებელმა ორდერს ვადა გუშინ ამოეწურა, რის შემდეგაც იოსებ სიგუამ მოიხსნა ელექტრონული სამაჯური.
მისი თქმით, შემდეგი ნაბიჯი დამცავი ორდერის გამოცემის მოთხოვნა იქნება.
შეგახსენებთ, იოსებ სიგუას მეუღლემ, სოფიო სიგუა-შატბერავამ „ნოდარ მელაძის შაბათში“ განაცხადა, რომ იოსებ სიგუა მას სიცოცხლის მოსპობით, მე-12 სართულიდან გადაგდებით, კასრში ჩასმითა და დამარხვით ემუქრებოდა.
დაზარალებულის მიმართვის საფუძველზე, იოსებ სიგუას შემაკავებელი ორდერი ჰქონდა გამოწერილი და მასზე ელექტრონული სამაჯურის მეშვეობით ელექტრონული მონიტორინგი ხორციელდებოდა.