“12 წლის მანძილზე 12 წუთი არ გასულა რომ გურიკაზე არ მეფიქრა. გზაზე რომ მივდიოდი ახალგაზრდა ბიჭებს ხელზე ვაკვირდებოდი, ეკლესიაში თუ შევიდოდი ბერებს ვაცქერდებოდი, ” – ამის შესახებ დაკარგული გურამ დადიანიძის დედამ, სოფო ბიბილაშვილმა “პალიტრანიუსის” გადაცემაში “ფაქტი და პოზიცია” განაცხადა.
ცნობისთვის, 17 წლის გურამ დადიანიძე 2014 წელს გაუჩინარდა და მას შემდეგ მოზარდის კვალს ვერ მიაგნეს. ის, დუშეთის რაიონის სოფელ ქვემო მლეთაში, ლომისობის დღესასწაულზე ექსკურსიაზე იმყოფებოდა. გაუჩინარებული ბიჭის დედა, სოფო ბიბილაშვილი შვილის პოვნაში დახმარებას დღემდე ითხოვს.
გაუჩინარების საქმეში ადვოკატი ტარიელ კაკაბაძე რამდენიმე დღის წინ ჩაერთო.