შუამთობის აღსანიშნავად ბიუჯეტიდან 107 800 ლარი დაიხარჯება

შუამთობის აღსანიშნავად ბიუჯეტიდან 107 800 ლარი დაიხარჯება – ცნობილია, რომ აღსანიშნავი ღონისძიებები ორ დღეს: 2 აგვისტოს ხულოს მუნიციპალიტეტის კურორტ ბეშუმში და 4 აგვისტოს შუახევის მუნიციპალიტეტის მთა ჩირუხში გაიმართება. გამოცემა ბათუმელები აჭარის ტურიზმისა და კურორტების დეპარტამენტზე დაყრდნობით წერს, რომ უწყება შემსრულებლებისთვის ჰონორარებისა და სხვა ხარჯებისთვის საჭირო თანხას ექსკლუზიური უფლებამოსილების საფუძვლით, ტენდერის გარეშე გადაიხდის. პროგრამა კი ასეთია:
შუამთობა ბეშუმში – 2 აგვისტო
• ანრი ჯოხაძე [ბენდთან ერთად] – 40 000 ლარი [ანრი ჯოხაძის სოლო კონცერტის მომსახურების საფასური]
• მუსიკალური ჯგუფი – „seenთეზი“ – 20 000 ლარი [ბენდი „Seenთეზი“-ის მუსიკალური მომსახურება. 1 საათი]
• DJ ბენე – გიორგი ცინცაძე – 2 500 ლარი
შუამთობა მთა ჩირუხში – 4 აგვისტო
• ზვიად ბოლქვაძე [ბენდთან ერთად] – 24 000 ლარი [მუსიკალური პროგრამა. 1 საათი]
• მუსიკალური ჯგუფი – „1/4“ – 15 000 ლარი [საკონცერტო შესრულება]
• მუსიკალური ჯგუფი – ტრიო გოგლაურა – 3 500 ლარი [საკონცერტო შესრულება]
• DJ ჩიკი – არჩილ დავითაძე – 2 800 ლარი
“წარმოდგენილი მუსიკალური შემსრულებლები შერჩეული იქნენ მათი ცნობადობის, მუსიკალური რეპერტუარის და რეიტინგის გათვალისწინებით… მომსახურების ღირებულება განისაზღვრა წარმოდგენილი ინვოისების საფუძველზე. ღირებულება მოიცავს შემსრულებლების ყველა ხარჯს, მათ შორის როგორც ჰონორარს, ასევე კვებითი, განთავსებისა და ტრანსპორტირების მომსახურებებს”, – წერს ტურიზმის დეპარტამენტი.