“ფანატიზმს და საკუთარი შვილის გაიდეალებას სიკეთე არასდროს მოაქვს…უნდა შეძლო ობიექტურობის შენარჩუნება” – სურგულაძე

ქართველი მეცო-სოპრანო ნინო სურგულაძე რადიო „ფორტუნას“ ესტუმრა და თათა სადრაძის გადაცემაში „არტ-FM“-ში პირად ცხოვრებასა და კარიერაზე ისაუბრა:

„ბევრი ნინო ცხოვრობს ჩემში. სცენაზე მომღერალი ვარ, რომელიც მაქსიმუმს აკეთებს და ყოველთვის ბოლომდე იხარჯება; ფონდში – რიგითი თანამშრომელი, რომელიც მის გამართულ მუშაობაზე ზრუნავს; სახლში კი, დედა და მეუღლე, რომელიც ოჯახის წევრებისთვის კომფორტის შექმნას ცდილობს. ვფიქრობ, მთავარი ყველაფრის გულით და გულწრფელად კეთებაა.
კრიტიკული ნაკლებად, უფრო მომთხოვნი ვარ. ვფიქრობ, ფანატიზმს და საკუთარი შვილის გაიდეალებას სიკეთე არასდროს მოაქვს. ყოველთვის უნდა შეძლო ობიექტურობის

შენარჩუნება, ნაკლოვანებების გამოსწორება და ღირსებების წინა პლანზე წამოწევა. დიდად ვემადლიერები ჩემს მშობლებს, რომელთაც სრული თავისუფლება მომცეს, ჩემი არჩევანი მოიწონეს და მაქსიმალურად შემიწყვეს ხელი.” – ამბობს მომღერალი.