“რა უნდა მქონდეს შეთანხმებული, ჩემი ღირებულებების დაცვა ვინმეს უნდა შევუთანხმო?” – რას ამბობს გიორგი ქართველიშვილი

“რა უნდა მქონდეს შეთანხმებული, ჩემი ღირებულებების დაცვა ვინმეს უნდა შევუთანხმო?” – ასე პასუხობს ჟურნალისტების შეკითხვას, შეათანხმა თუ არა “ქართულ ოცნებასთან” სიწმინდეების დასაცავი მოძრაობის დაარსება, MMA-ის მებრძოლი გიორგი ქართველიშვილი, რომელმაც თანამოაზრეებთან ერთად მოძრაობა დააფუძნა. მისი თმით, მოძრაობას “მყისიერი რეაგირება ექნება სიწმინდეების, წინაპრების, რელიგიისა და ისტორიის შეურაცხყოფაზე”. “საჭიროების შემთხვევაში ციხეშიც კი წავალთ” – თქვა ქართველიშვილმა
გიორგი ქართველიშვილი ოცნების პროპაგანდისტული რუსთავი 2-ის ჟურნალისტის, ჟანა აკოფაშვილის ქმარია. ის “რუსთავი 2”-ში გადასვლამდე “მთავარი არხის” ჟურნალისტი იყო. ქართველიშვილს კი აქტივისტები ტიტუშკების მობილიზებაში ადანაშაულებენ. რამდენიმე დღის წინ “ქართული ოცნების” მედია მას აქტივისტ და იუმორისტ ონისე ოქრიაშვილზე “თავდამსხმელის მეგობრად” მოიხსენიებდა და მის დასაცავად იყენებდა.