“პირველ ფოტოზე ნინი ნაჭყებიას თმები უჭირავს და ასე ათრევს გოგოს! მეორე ფოტოზე სანდრო სეხნიაშვილს ურტყამს ხელს სახეში…” – რას წერს ლევან ზაზაძე პოლიციელზე

“დავით მამაგეიშვილი, საპატრულო პოლიციის დეპარტამენტის თბილისის მთავარი სამმართველოს უფროსი.
პირველ ფოტოზე ნინი ნაჭყებიას თმები უჭირავს და ასე ათრევს გოგოს!
მეორე ფოტოზე სანდრო სეხნიაშვილს ურტყამს ხელს სახეში, რომელსაც შემდეგ აკავებს კიდეც!”- წერს ლევან ზაზაძე სოციალურ ქსელში და ფოტოებს აქვეყნებს.
10 სამოქალაქო აქტივისტი თავისუფლების მოედანზე, თბილისის საკრებულოს მიმდებარედ წუხელ დააკავეს. თავდაპირველად საკრებულოს წინ მივიდა თორნიკე თოშხუა, რომელსაც ხელში ბანერი ეჭირა წარწერით: “ბიძინა *ლეა – კი, არა”. პოლიციამ თოშხუა ადმინისტრაციული წესით დააპატიმრა. მალევე დააკავეს მის მხარდასაჭერად იმავე შინაარსის ბანერებით ადგილზე მისული სხვა მოქალაქეებიც. შსს მათ წვრილმან ხულიგნობასა და პოლიციელის დაუმორჩილებლობას ედავება.