“პუტინი არ არის მზად, შეაჩეროს ეს ომი. არსებობს დაზვერვის მონაცემები, რომ ის მობილიზაციისთვის ემზადება. მას ამის გაკეთება 21 სექტემბერს, დუმის არჩევნების შემდეგ სურს. მას სურს მობილიზაციის გაძლიერება. არა ღიად, რადგან თავისი საზოგადოების ეშინია, არამედ ოქტომბრის დასაწყისში იზამს ამას – თუ ჩვენ არ შევუქმნით პრობლემებს ლოგისტიკასთან, იარაღთან, ბენზინსა და დიზელთან დაკავშირებით და თუ ჩვენი პარტნიორები არ დააწესებენ ტოტალურ სანქციებს მისი აგრესიის გამო.
ეს დიდ პრობლემად იქცევა, რადგან ის 300-დან 500 ათასამდე ადამიანის მობილიზებას ივარაუდებს. მისთვის ამდენი ხალხის მობილიზება არც ისე რთულია. მას ექნება შიდა სირთულეები ამ საკითხზე, რადგან მისი საზოგადოება – და მე ვნახე გამოკითხვები – მობილიზაციის წინააღმდეგია. მოსახლეობის მნიშვნელოვანი პროცენტი ომის წინააღმდეგია, მაგრამ ისინი მაინც უჭერენ მხარს პუტინს. ის ვერ შეძლებს ამ ხალხის სწრაფად მომზადებას. ეს კი ისევ იმას ნიშნავს, რომ ის ბრძოლის ველზე ცუდად მომზადებულ ადამიანებს გააგზავნის. ეს, თავის მხრივ, დიდ დანაკარგებს ნიშნავს”, – განაცხადა უკრაინის პრეზიდენტმა, ვოლოდიმირ ზელენსკიმ Sky News-თან ინტერვიუში.
ვოლოდიმირ ზელენსკი განცხადებას ავრცელებს
