იმერეთის ერთ-ერთ სოფელში უბედურ შემთხვევას 21 წლის ახალგაზრდა ემსხვერპლა. ინფორმაციას „პრაიმტაიმი“ ავრცელებს.
არსებული ინფორმაციით, საცხოვრებელ სახლში მიმდინარე სამუშაოების დროს, კედელი ჩამოინგრა, რის შედეგადაც 21 წლის ახალგაზრდა დაშავდა.
დაშავებული საავადმყოფოში გადაიყვანეს, თუმცა ექიმებმა მისი გადარჩენა ვერ შეძლეს და ის გარდაიცვალა.
მომხდარ უბედურ შემთხვევას ადასტურებს სოფლის რწმუნებული. მისი თქმით, ცხედარი ექსპერტიზაზე გადაასვენეს.