თურქეთში ხანძარს ებრძვიან. ფეთჰიეს რაიონში გადამწვარია კერძო საცხოვრებელი სახლები და მეურნეობები, მიმდინარეობს მოსახლეობის ევაკუაცია. ცეცხლის ქრობის პროცესში ჩართულია 380 მეხანძრე მაშველი, 14 ვერტმფრენი, 5 თვითმფრინავი და 53 ერთეული მძიმე ტექნიკა.
ადგილობრივი მედია წერს, რომ ხანძარი თავდაპირველად დასახლებებისგან მოშორებით, ტყის მასივში გაჩნდა და სწრაფად გავრცელდა. სტიქიის სალიკვიდაციო სამუშაოები უწყვეტ რეჟიმში მიმდინარეობს.