აშშ-ის პრეზიდენტის, დონალდ ტრამპის განცხადებით, ამერიკულ ავიაკომპანიებს ლიბანში პირდაპირი ავიარეისების აღდგენის უფლებას მისცემს.
„ლიბანის პრეზიდენტ ჯოზეფ აუნთან შეხვედრის შემდეგ, რომელმაც თავისი ქვეყნის გარდაქმნის მიმართულებით მართლაც შესანიშნავი სამუშაო გასწია, ვავალებ ჩემს ადმინისტრაციას, აშშ-ის ყველა ავიაკომპანიას ლიბანში პირდაპირი ფრენების შესრულების უფლება მისცეს, რათა ამერიკელებს ამ ულამაზესი ქვეყნის მონახულება მარტივად შეეძლოთ“, – დაწერა ტრამპმა სოციალურ ქსელში.
მან იმედი გამოთქვა, რომ აშშ-ის მაგალითს სხვა ქვეყნებიც მიჰყვებიან.
აშშ-სა და ლიბანს შორის პირდაპირი ავიარეისები 40 წელზე მეტი ხნის წინ, 1985 წელს, რონალდ რეიგანის ადმინისტრაციამ TWA-ის 847-ე რეისის გატაცების შემდეგ შეწყვიტა.