ლენტეხის მუნიციპალიტეტში, სტიქიის შედეგების სალიკვიდაციო სამუშაოები დილიდან განახლდა.
ადგილზე მუშაობს მძიმე ტექნიკა, იწმინდება ცენტრალური საავტომობილო გზა და მიმდებარე ტერიტორია.
ამ დროისთვის გარე სამყაროს მოწყვეტილი არც ერთი სოფელი აღარ არის. სოფელ საყდართან მოწყობილია დროებითი შემოვლითი გზა, რაც მოსახლეობის გადაადგილებას უზრუნველყოფს. პარალელურად გაგრძელდება დაზიანებული ხიდის აღდგენითი სამუშაოები.
დღეს, სტიქიის ზონაში გეოლოგები ელოდებიან, რომლებიც ტერიტორიას შეისწავლიან და შეაფასებენ არსებულ მდგომარეობას.