აშშ-ის პრეზიდენტი დონალდ ტრამპი აცხადებს, რომ დიდი ბრიტანეთის ახლად დანიშნულ პრემიერ-მინისტრთან, ენდი ბერნემთან სატელეფონო საუბარი ჰქონდა.
მისივე თქმით, სატელეფონო საუბრისას ბევრი თემა განიხილეს, მათ შორის ორმხრივი ურთიერთობები, ჩრდილოეთის ზღვის ნავთობი, ვაჭრობა, სამხედრო ალიანსი, ჰორმუზის სრუტის განაღმვა და მრავალი სხვა.
როგორც ტრამპი აღნიშნავს, ბერნემს ბევრი საქმე აქვს გასაკეთებელი და აშშ მზად არის, მას დაეხმაროს.
„ძალიან კარგი საუბარი მქონდა გაერთიანებული სამეფოს ახალ პრემიერ-მინისტრთან, ენდი ბერნემთან. ჩვენ ბევრი თემა განვიხილეთ, მათ შორის, დიდ ბრიტანეთთან არსებული შესანიშნავი ურთიერთობები. უახლოეს მომავალში შევხვდებით ორმხრივი ინტერესის თემებზე. პრემიერ-მინისტრს დიდი სამუშაო ელოდება, მაგრამ ის ამის გაკეთებას შეძლებს. რა თქმა უნდა, აშშ მზად იქნება დასახმარებლად. ჩვენ განვიხილეთ ჩრდილოეთის ზღვის ნავთობი, ვაჭრობა, სამხედრო ალიანსი, ჰორმუზის სრუტის განაღმვა და მრავალი სხვა თემა. სატელეფონო საუბარი საინტერესო იყო და ძალიან კარგად ჩაიარა. პრემიერ-მინისტრ ბერნემს წარმატებები და ღვთის წყალობა ვუსურვე“, – წერს ტრამპი.