“როგორც თვითმხილველები ამბობენ, საჭესთან რევაზ ელიზბარაშვილის მცირეწლოვანი შვილი იჯდა, თვითონ იბრალებს, არ მჯდარა” – ამბობს გორში დაღუპული დედა-შვილის ოჯახის ახლობელი, ირმა ამბარდნიშვილი TV პირველთან საუბრისას.
“კადრებში ჩანს, უკან წითელი მანქანა რომ არის, ეს არის რეზო ელიზბარაშვილის ცოლის მანქანა, რომლის ბიძა მართავდა და გამოეკიდნენ, ბავშვები ჩასვეს მანქანაში და ეს ოჯახი გამოეკიდა… როგორც თვითმხილველები ამბობენ, საჭესთან მისი შვილი იჯდა მცირეწლოვანი, თვითონ იბრალებს, არ მჯდარა და დედა იმიტომ გამოეკიდა, რომ არასრულწლოვანი დასვა მანქანაში და აი, ბავშვმა ასეთი რაღაც გააკეთა. ის ბავშვები რომ გადმოხტნენ მანქანიდან, ჩანს კიდეც კადრებში, რომ დედის მანქანისკენ გარბიან ორივენი. ასევე იმდენად დიდი იყო დაჯახების სიმძლავრე, რომ რამდენიმე მეტრში გადააგდო, ფაქტობრივად, ანა უკვე მკვდარი იყო და მართაც მკვდარი იყო, იმიტომ, რომ ერთ-ერთმა გამვლელმა მაისური გაიხადა და თავქვეშ ამოუდო ბავშვს…” – ამბობს გორში დაღუპული დედა-შვილის ოჯახის ახლობელი, ირმა ამბარდნიშვილი TV პირველთან საუბრისას