სამების ტაძრის დეკანოზი მამა პეტრე კოლხი, სოც.ქსელში ეხმაურება ახალ კორონავირუსს, იტალიაში შექმნილ სიტუაციას და იქ დარჩენილ ქართველებს.
იხილეთ სტატუსი უცვლელად:
” ძნელია იტალიაში დარჩენილი ქართველი ემიგრანტების მდგომარეობა. ვინც შეძლო, ჩამოვიდა. ზოგს ჩამოსვლა უნდა, მაგრამ ვერ ბედავს. ეშინია, თუ თავად არის დაინფიცირებული, ოჯახის წევრებსაც არ გადასდოს. ტელევიზიით ადევნებს თვალს, რა ხდება ჩვენ ქვეყანაში. თავად შეიძლება მოვლენების ეპიცენტრში იყოს, მაგრამ მაინც ის უფრო ადარდებს, როგორ იქნებიან მისგან შორს მყოფი ოჯახის წევრები.
ეკრანებიდან ვაძლიერებთ, ვანუგეშებთ ერთმანეთს.
არავინ იცის, დღეს არსებული ვირუსი რა შედეგებამდე მიიყვანს კაცობრიობას, მაგრამ ამ განსაცდელის ჟამს ის მაინც ვიცით, რომ ერთმანეთზე ძვირფასი არაფერი გაგვაჩნია.
დაავადებამ არც ასაკი იცის… არავინ ვართ დაზღვეულები…
ყველა დაავადება დეგრადირებული სულის შედეგია.
იესომ დაგვიბრუნოს ჯანსაღი სული, ერთმანეთის ნუგეში და სიყვარული. ამინ!..”, – წერს მამა პეტრე კოლხი სოც.ქსელში