მსჯავრდებული აიტი ტექნოლოგის, გიორგი კვიცარიძის დედის თქმით, ქუთაისის ციხის უფროსმა მის შვილს კადრების გარობა მოსთხოვა, ამის სანაცვლოდ კი სასჯელის ერთ წლამდე შემცირებას დაჰპირდა.
გიორგი კვიცარიძე ის აიტი სპეციალისტია, რომელმაც პოლიციის შიდა მიმოწერის სისტემაში შეაღწია და პოლიციაში მოქალაქეების სასტიკი ცემის კადრები საჯაროზე გამოიტანა. ეს ის ცნობილი მასალაა, რომელიც “შაბათის ეთერმა” გაასაჯაროვა და სადაც ქობულეთში სამი ახალგაზრდის ცემა ასახული.
ოჯახი ამტკიცებს, რომ პოლიციელების მხრიდან დანაშაულის ჩადენის კიდევ 30-მდე ვიდეო აქვს.
როგორც ეთერ კვიცარიძე “პირველებს” ეუბნება, ადვოკატმა ოჯახის ურჩია, რომ ციხის უფოსს არ ენდონ და ამ გარიგებაზე არ გაჰყვნენ.
“გაქრეს ის ვიდეოებიო ციხის უფროსს უთქვამს და წელიწადს მოგცემენო. ადვოკატს ეს რომ ვუთხარი, ეს ესე არ ხდებაო მითხრა, არაფერზე არ გაყვეს, მე უნდა მითხრან ეგო. ეგენი იტყუებიანო. სასამართლო როდის იქნება არ ვიციო, პროკურორი გაიქცა, ახალი არის ვიღაცა. დნმ აუღეს გიგას, თბილისშია გაგზავნილიო და არ იციან, როდის იქნება პასუხი. კიდევ ორი მიიყვანეს – პოლიციელი, არაფერი არ მახსოვსო იძახეს. მოსამართლისგან არაფერი რეაგირება არ იყო – ხომ უნდა ეთქვა, თუ არ გახსოვს, რატომ მოდიხარ აქო. ბიბლიაზე კი დებენ ხელს. ბავშვობის დაქალი მახლდა მე, გარეთ იჯდა და ეს ორი მოწმე რომ იყო გარეთ უსმინა მათ ლაპარაკს, ერთმანეთს ეუბნებოდნენ – ყველაფერზე თქვი არ მახსოვსო”, – ამბობს ეთერ კვიცარიძე.
ცნობისთვის, გიორგი კვიცარიძე ქუთაისის ციხეში სასჯელს ნარკოდანაშაულისთვის იხდის. როგორც დედამ “ტვ პირველს” მიაწოდა ინფორმაცია, ამ დროის მონაცემებით, ქუთაისის ციხეში პატიმრებმა შიმშილობა გამოაცხადეს, მათ შორის არის სწორედ მისი შვილი.
ეს კი გიორგი კვიცარძის დედის ინფორმაციით, ის პერიოდია როდესაც მისი შვილი უკვე პატიმარია, (ნარკოტიკების რეალიზების მუხლით დააკავეს) კადრები გამოტანილია და ვიდეო მასალა დედამ მოსამართლე ქეთევან თხელიძეს მიუტანა, რომლიც მისი შვილის საქმეს განიხილავდა.