ქართული ვაშლის ექსპორტის მოცულობა 37%-ით გაიზარდა – სად ვყიდით?ქართული ვაშლის ექსპორტის მოცულობა 37%-ით გაიზარდა – სად ვყიდით?
2026 წლის იანვარ-ივნისში საქართველოდან ვაშლის ექსპორტის მოცულობა, გასული წლის ანალოგიურ პერიოდთან შედარებით, 37%-ით არის გაზრდილი. ამის შესახებ ინფორმაციას სოფლის მეურნეობის სამინისტრო ავრცელებს.
უფრო კონკრეტულად კი, 2026 წლის იანვარი-ივნისში ექსპორტირებულია 11.2 მლნ აშშ დოლარის ღირებულების 14.7 ათასი ტონა ვაშლი. წინა წლის იანვარ-ივნისის პერიოდთან შედარებით ექსპორტის ღირებულება გაზრდილია 67%-ით (4.5 მლნ აშშ დოლარით), რაოდენობა გაზრდილია 37%-ით (4.0 ათასი ტონით).
„აღსანიშნავია 2025-2026 მარკეტინგული წლის ჯამური ექსპორტის მაჩვენებელი. 2025 წლის აგვისტოდან 2026 წლის ივნისის ჩათვლით ექსპორტირებული ვაშლის რაოდენობამ 24 ათას ტონას გადააჭარბა, ბოლო წლების განმავლობაში ყველაზე მაღალი მაჩვენებელია. მიმდინარე მარკეტინგულ წელს ექსპორტირებული ვაშლის ღირებულებამ 18.2 მლნ აშშ დოლარი შეადგინა,“ – ვკითხულობთ უწყების მიერ გავრცელებულ ინფორმაციაში.
ცნობისთვის, საქართველოდან ვაშლის ძირითადი საექსპორტო ქვეყანა რუსეთია, სადაც მთლიანი ექსპორტის 95%-ზე მეტი გადის.