პოლიტიკური პარტია “ჯერ საქართველოს” წევრის, ვახტანგ ბეჟიტაშვილის განცხადებით, დიდუბის გამგეობასთან თავს დაესხნენ. როგორც თავად ამბობს, ფიზიკურად პირადად გამგებელი და მისი მოადგილეები გაუსწორდნენ. ბეჟიტაშვილის თქმით, მიზეზი უცნობია, რადგან თავდამსხმელები მოულოდნელად მიუახლოვდნენ და კონფლიქტის საბაბად ავტომობილის არასწორად გაჩერება გამოიყენეს. ბეჟიტაშვილმა ადგილზე პოლიცია გამოიძახა. ის გამოკითხვაზე გადაიყვანეს. ბეჟიტაშვილის განცხადებით, დიდუბის გამგეობაში პირად საქმეზე იყო მისული. ის ხილისა და ბოსტნეულის ექსპორტიორთა ასოციაციის ხელმძღვანელიცაა.
,,საზოგადოების თავშეყრის ადგილია, გამგეობის შენობაა, სადაც ხალხი მოძრაობს იქ ფიზიკურად გამისწორდნენ, შეურაცხყოფა მომაყენეს. 1 წამით რომ შემოვაბრუნოთ და მოქალაქემ გააკეთოს ეგეთი რაღაც საჯარო მოხელეზე, ყოველდღე ვუყურებთ დაჭერებს… საჯარო მოხელეები არიან, თანამდებობის პირები, რომლებსაც ჩვენ გადასახადებს ვუხდით, ვაფინანსებთ მათ ხელფასს, მივლინებებს, კაი ცხოვრებას და აქეთ ხელს გვირტყამენ. გამგეობის შენობიდან ხელისკვრით გარეთ გვაგდებენ,” [ ფორმულა] – განაცხადა ვახტანგ ბეჟიტაშვილმა.