კასპი-კავთისხევის გზაზე მომხდარ ავტოსაგზაო შემთხვევას 19 წლის ახალგაზრდა ემსხვერპლა. შემთხვევა გუშინ ღამით მოხდა. არსებული ინფორმაციით, მანქანა ხეს შეეჯახა, დაშავებულია კიდევ 1 ადამიანი.
გარდაცვლილი გოგონა თამო მოდრეკილიძეა.
“შეყვარებული 2 წლის წინ დაეღუპა, სულ მას მისტიროდა, მასთან მინდაო. ქვათახევის გზაზე მოხდა, ავარია. 6-7 ადამიანი იჯდა მანქანაში, ეგ უკანა სავარძელზე იჯდა, გოგოებთან. ამბობენ, რომ ავტომობილი ხეს შეეჯახა. კლინიკაში რომ მივედით უკვე გარდაცვლილი იყო. ყველა გადარჩა, მხოლოდ თამო დაიღუპა” – ეუბნება ambebi.ge-ს გოგონას ახლობლები.
მომხდარზე დაწყებულია გამოძიება.