სალომე ზურაბიშვილი ამბობს, რომ პარტნიორების მხრიდან რეზოლუციელები არ აჩერდება – როგორც საქართველოს მეხუთე პრეზიდენტმა ფეისბუქ-ლაივში განაცხადა, მოკავშირეები კარგად ხედავენ “თუ რა რეპრესიულ პოლიტიკას” ატარებს “ქართული ოცნება” საზოგადოების ყველა სეგმენტის მიმართ და ეს ყურადღების მიღმა არ რჩებათ.
ზურაბიშვილის თქმით, ხელისუფლება ამბობს, რომ პარტნიორებთან ურთიერთობის დალაგება სურს, თუმცა ამისთვის არცერთ რეკომენდაციას არ ასრულებს.
“ჩვენი მოკავშირეებისა და პარტნიორების მხრიდან ეს რეზოლუციები და შეფასებები არ იცვლება; მალე თითქმის ორი წელი შესრულდება და მათი პოზიცია მხოლოდ და მხოლოდ მძიმდება. ეს იმიტომ, რომ ხელისუფლება დღითიდღე იღებს იმგვარ რეპრესიულ ზომებს, რომლებიც საზოგადოების ყველა სეგმენტს ეხება. ეს ყველაფერი კი შეუმჩნეველი და ყურადღების მიღმა ვერ დარჩება ჩვენი ვერცერთი პარტნიორისთვის. ამიტომ არ გაჩერდება ეს რეზოლუციები ხან ეუთოსი, ხან ევროკავშირის ან ამერიკის შეფასებებიც იგივე იქნება. ხელისუფლება შიგადაშიგ ყველას დიფ-სთეითს ეძახის, მერე უნდა რომ ვიღაცასთან ოდნავ დაალაგოს, მაგრამ დალაგება მოითხოვს სერიოზულად რომ გადაიხედოს ყველა ეს გადაწყვეტილებები, რაც მიღებული არის – სინდისის პატიმრებსი გამოშვების საკითხი, ყველა ის მოთოვნა, რაც პრაქტიკულად ყოველ ექვს თვეში ერთხელ ამ ორგანიზაციებს გამოქვთ, როგორც აუცილებელი ცვლილებები, რაც უნდა მიიღოს ამ ხელისუფლებამ. არ შეიცვლება ეს რეზოლუციები, სანამ ეს არ მოხდება და ვინმესთვის გადაბრალება ამისი არ იქნება, იმიტომ, რომ ყველაფერი არის შედეგი მთავრობის გადაწყვეტილებების და ქმედებების, მთავრობის მიერ მიღებული რეპრესიული ხასიათის კანონების”, – განაცხადა ზურაბიშვილმა.