თბილისის საქალაქო სასამართლოში გრიგოლ ლილუაშვილის საქმის განხილვა ისევ დახურულ რეჟიმში მიმდინარეობს – დღეს პროკურატურამ სხდომაზე მოწმედ მიიყვანა სამი პირი.
“ტვ პირველის” ინფორმაციით, სამიდან ერთი პრიის ჩვენებას, სუს-ის ექს-შეფის დაცვის მხარე უდავოდ გახდის. ვინ არის ეს პირი, ჯერ-ჯერობით უცნობია, თუმცა “ტვ პირველისთვის” მოწოდებული ინფორმაციის თანახმად, ის შესაძლოა, პატიმრობაში მყოფი ექს-მინისტრი, ჯუანშერ ბურჭულაძე იყოს.
რაც შეეხება ორ მოწმეს, ისინი გამომძიებლები არიან. ერთ-ერთი მათგანის ვასილ კაკიაშვილის დაკითხვა საქალაქო სასამართლოში ორი საათის განმავლობაში მიმდინარეობდა.
მოწმემ სხდომიდან გამოსვლის შემდეგ თქვა, რომ უპასუხა ყველა კითხას, რომელიც მას მხარეებმა და თავად ლილუაშვილმა დაუსვა.
“მე როგორც საქმის ერთ-ერთმა გამომძიებელმა, ჩემს მიერ ჩატარებულ საგამოძიებო მოქმედებებთან დაკავშირებით მივაწოდე სასამართლოს ინფორმაცია. პროცესის მონაწილეებს, ვისაც რა კითხვა ჰქონდა გავეცი პასუხი.
დაცვის მხარე საქმის აბსურდულობაზე საუბრობს და აცხადებს, რომ ბრალდების მხარე დიდი ხანია “სამართლებრივ უტიფრობას” გასცდა. ადვოკატ ლანა ცერცვაძის განცხადებით, საქმეში არცერთი მტკიცებულება არ დევს, რომელიც გრიგოლ ლილუაშვილის ბრალს დაადასტურებდა.
“სამართლებრივ უტიფრობას დიდი ხანია გასცდა ბრალდების მხარე ამ საქმეში და გადასულია საზოგადოების შეცდომაში შეყვანაზე, რაც გამოხატულია, ყოველი პროცესის შემდეგ სატელევიზო სივრცეში გაკეთებული კომენტარებით. მაგალითისთის შემიძლია მოვიყვანო წინა პროცესის მიერ ეგაკეთებული კომენტარი, რაც უაკვშირდებოდა ფინანსთა სამინისტროს ყოფილ მაღალჩინოსანს. აღნიშნული განპირობებულია იმით, რომ მათ უნდათ გაამართლონ ის დაუსაბუთებელი ბრალი, რაც წარდგენილი აქვს ბატონ გრიგოლს და რომლის მტკიცებულებასაც ისინი ფიზიკურად ვერ წარმოადგენენ სასამართლოში. ჩვენ გვყავს დაახლოებით 50 მოწმემდე დასაკითხი. ბრალდების მხარე დღეს პოზიციონირებს მხოლოდ იმ მანიპულაციებით, რასაც სატელევიზიო სივრცეში ახდენს და აკეთებს”, – განაცხადა ლანა ცერცვაძემ.