“ნეიტრალური საქართველოს” წევრი, ლევან ნიკოლეიშვილი არ გამორიცხავს, რომ 8 პოლიტიკოსის გარდა, ბრალი საქართველოს მეხუთე პრეზიდენტს, სალომე ზურაბიშვილს და ყოფილ პრემიერს გიორგი გახარიასაც წარედგინოთ.
სასამართლოში მოწედ მისულმა ნიკოლეიშვილმა თქვა, რომ ჯერ გამოძიება დასრულებული არ არის და შეიძლება ზურაბიშვილის და გახარიას წინააღმდეგ აალი მტკიცებულებები მოიპოვოს გამოძიებამ.
“ყველა დასახელებულ ადამიანზე სარჩელში არის გარკვეული მტკიცებულებები, რომელიც ფაქტებით არის გაჯერებული. ჯერ გამოძიება მიმდინარეობს ხომ? თუ ახალი მტკიცებულებები და გარემოებები გამოჩნდება, გამოძიება რასაც ჩათვლის საჭიროდ, თუ დამატებით კიდევ დასჭირდებათ სხვა ფაქტის მოძიება, ჩვენ ვითანამშრომლებთ. იმ ფაქტების მიხედვით, რაც სარჩელში არის ასახული, ვინც ჩათვალა გამოძიებამ საჭიროდ, რომ კანონის შესაბამისად მასზე უნდა აწარმოებს გარკვეული სამართლებრივი ქმედებები, მასზე აწარმოა”, – აცხადებს ნიკოლეიშვილი.
დღეს “ნეიტრალური საქართველოს” წევრის მედიასთან ირწმუნებოდა, რომ არავის დაკვეთა არ შეუსრულებიათ და რომ გაერთიანების წევრებმა თავად, ერთობლივად მიმართეს პროკურატურას.
ნიკოლეიშვილის კომენტარიდან ასევე ირკვევა, რომ მხოლოდ პოლიტიკოსების განცხადებები შეკრიბეს და სწორედ ეს გადასცეს სამხილად პროკურატურას.
“კანონის წინაშე ყველა უნდა იყოს მართალი და ყველამ უნდა აგოს პასუხი იმასთან დაკავშირებით, რომ თუ ვინმეს აქვს თავში განზრახვა იმასთან დაკავშირებით, რომ სახელმწიფო შეარყიოს და კიონსტიტუციური წყობილება არაკანონიოერი ამ გზით შეცვალოს.
(სარჩელის შეტანაზე) იდეა უნდა გაუჩნდეს ნებისმიერ მოქალაქეს – ყველას გაგვიჩნდა იდეა იმასთან დაკავშირებით, რომ ეს სახელმწიფო ეკუთვნის საზოგადოებას.
ეს ყველა მტკიცებულებები, ფაქტები, რომლებიც ამოღებულია საჯარო განცხადებებიდან – ამ ფაქტებსი შესახებ მე არ გეტყვით პროცესის დასრულებამდე.
მტრული საქმიანობა არის, როცა ადამიანი ფულს, დაფინანსება იღებს უცხო ქვეყნიდან და ემსახურება საკუთარი ქვეყნის წინააღმდეგ საქმიანობის წარმოებას”, – განაცხადა ნიკოლეიშვილმა.
ამ წუთებში, საქალაქო სასამართლოში 8 ოპოზიციონერი პოლიტიკოსის პროცესი მიმდინარეობს. სხდომას მხოლოდ ბადრი ჯაფარიძე და ზურა ჯაფარიძე ესწრებიან.