ლას-ვეგასში გამართული UFC 329-ის მთავარი ორთაბრძოლა მაქს ჰოლოუეის გამარჯვებით დასრულდა. მან 5-წლიანი პაუზის შემდეგ ოქტაგონზე დაბრუნებული კონორ მაკგრეგორი პირველსავე რაუნდში დაამარცხა.
შეხვედრა 1 წუთსა და 9 წამს გაგრძელდა. სტარტზევე, ნახტომში დარტყმის შესრულებისას, მაკგრეგორმა მარჯვენა მუხლის დაზიანება მიიღო. ირლანდიელმა მებრძოლმა ჩხუბის გაგრძელება სცადა, თუმცა დაზიანებულ ფეხზე წონას ვერ ინარჩუნებდა და ოქტაგონზე დაეცა. რეფერი მიტჩელ ბელტრანმა ბრძოლა შეაჩერა და ჰოლოუეის ტექნიკური ნოკაუტით გამარჯვება მიაკუთვნა.