ალეკო ელსაშვილმა დღევანდელ სასამართლო პროცესზე კიდევ ერთი პოლიციელის გვარი დაასახელა, ვინც მისი თქმით, 2024 წლის აპრილში, როდესაც კანცელარიასთან სასტიკად გაუსწორდნენ, მასთან მივიდა და “ბინძური სიტყვები” უთხრა.
პოლიტიკოსის თქმით, ეს ადამიანი იყო პოლიციელი რონი მესხი, რომელიც ამჟამად შინაგან საქმეთა მინისტრის მოადგილეა.
ელისაშვილმა თქვა, რომ რონი მესხი მასთან “ბინძური სიტყვების სათქმელად” მაშინ მივიდა, როცა კანცელარიასთან სასტიკად ნაცემი ძირს ეგდო.
“თავპირი დამალეწეს, წიხლებით შემდგა 20 პოლიციელი. დამიჭირეს სახე მარტყმევინეს. კადრებში ჩანს ის ტიპები – ზარქო ჩოხელია ერთი-ერთი და ეს ვთქვი. მე ამოვიცანი და ვერ ვპოულობთო ამბობდნენ გამოძიებას რომ მივმართე.
პირველაშვილმაც (პოლიციელი) დამავლო ხელი, მე და დათუნაშვილი გვცემა. ნეკნი მომტეხეს. ვინაა დაკავებული? რამე მოხდა? არაფერი.
რონი მესხი შემოვიდა, მოვიდა და ძალიან ბინძური რამ მითხრა, ვერც გავიმეორებ.
ნაცემ კაცთან გაბოროტებული მოვიდა და საშინელება მითხრა, მაგ გათახსირებულს პასუხი მოეთხოვება”, – განაცხადა ელისაშვილმა.
შეგახსენებთ, რომ 17 აპრილს, კანცელარიასთან, რუსული კანონის საწინააღმდეგიო აქციაზე, პოლიციელებმა ელისშვილს სასტიკად სცემეს.