აქციებზე დაკავებული აქტივისტების ოჯახის წევრები საზმაუსთან 24 საათიან პროტესტს აანონსებენ. მათი თქმით, ეს იმ შემთხვევაში მოხდება, თუკი საზოგადობრივი ტელევიზია პროტესტში მყოფ მოქალაქეებს ეთერს არ დაუთმობს, რათა მათ საზოგადოებამდე საკუთარი სათქმელი მიიტანონ.
გიორგი ტერიშვილის დედა, მარინა ტერიშვილი აცხადებს, რომ საზოგადოებრივი მაუწყებელი დაკავებული აქტივისტების ოჯახის წევრების მოთხოვნებსა და პროტესტს არ აშუქებს.
“ჩვენ ვითხოვდით, დაერთოთ ჩვენთვის ნება, რომ შევსულიყავით საზმაურს ეთერში და გვეთქვა, ჩვენი შვილები რა მიზეზით არიანდ დაკავებულები და როდემდე უნდა იყვნენ ასე. საზმაუ არაფერს აშუქებს ამ მხრივ. წელიწანხავერია ასე ქუჩაში ვდგავართ და ამათმა საერთოდ არ გააშუქეს არაფერი. ვალდებულები არიან, რომ ჩვენ, სინდისის პატიმრების მშობლებს მოგვისმინონ და გაიგონ ჩვენი გულის ტკივილი თუ რა გვაწუხებს, მაგრამ პირიქით, აქეთ წერილი გამოგვიგზავნეს, რომ მემგონი, აქეთ ჩვენ გვადანაშაულებენ, რომ რატომ მოვედით და რატომ შევაწუხეთ” – ამბობს მარინა ტერიშვილი.
12 საათიანი ლოდინის შემდეგ დაკავებული აქტივისტების ოჯახის წევრებს საზოგადოებრივი მაუწყებლიდან არავინ შეხვედრია. მათ მხოლოდ წერილობითი პასუხი გადასცეს, რომელშიც პირველი არხის ადმინისტრაცია აცხადებს, რომ მის სარედაქციო პოლიტიკაში არავინ ერევა და ეთერში ბალანსის პრინციპი დაცულია.