“ქურდული გარჩევების” საქმეზე დაკავებულებს შორის ცაგერის საკრებულოს წევრია – ამის შესახებ სასამართლო პროცესზე გახდა ცნობილი.
ირკვევა, რომ გამოძიებამ “ქურდული სამყაროს” წევრობის ბრალდებით ხელბორკილები რამდენიმე დღის წინ ლაშა ლეთოდიანს დაადო. ის 29 დაკავებულთა შორისაა.
ლეთოდიანი ცაგერის საკრებულოში “ქართული ოცნების” სიით არიის გასული, ახლა კი “ხალხის ძალას” წარმოადგენს.
დღეს ლეთოდიანის ადვოკატი სასამართლოზე მისი დაცვის ქვეშ მყოფის გათავისუფლებას ითხოვდა.
“სატელეფონო ჩანაწერები არის წარმოდგენილი ავტომობილში. ლაშა ლეთოდიანს ნასამართლეობაც არ აქვს. მას ჰყავს ოჯახი, ის არის საკრებულოს წარმომადგენელი, რომლის უკანაც ბევრი ადამიანი დგას” – განაცხადა მან.