9 ივლისს დაგეგმილი ღონისძიების გამო მარშალ ი. პილსუდსკის გამზირზე გადაადგილება დროებით შეიზღუდება, – ამის შესახებ განცხადებას თბილისის მერია ავრცელებს და მძღოლებს აფრთხილებს.
„თბილისის მერიის მიერ დაგეგმილ ღონისძიებასთან დაკავშირებით, 8 ივლისის 22:00 საათიდან 9 ივლისის 15:00 საათამდე საგზაო მოძრაობა შეიზღუდება ჰუალინგის პარკის მიმდებარედ, მარშალ ი. პილსუდსკის გამზირზე, თბილისის ახალი ზოოპარკის უახლოეს გზაჯვარედინამდე.
ავტომობილები, რომლებიც აღნიშნული საგზაო მონაკვეთით უკავშირდებოდნენ ახალი ზოოპარკის მიმდებარე ტერიტორიას, შემოვლას შეძლებენ ვიქტორ კუპრაძის ქუჩის გავლით, ხოლო საწინააღმდეგო მიმართულებით მოძრავი ავტომობილები იმავე მარშრუტის გამოყენებით მოხვდებიან მარშალ ი. პილსუდსკის გამზირზე“, – ნათქვამია განცხადებაში.