რუსთაველის გამზირის სარეაბილიტაციო სამუშაოებს “ქართული ოცნების” წევრის, ბექა ოდიშარიას ქვისლის, ლევან გოგსაძის კომპანია შპს სმარტ სოლუშენი შეასრულებს – ცნობილია, რომ ამჟამად მის კუთვნილ კომპანიასთან ხელშეკრულების მომზადება მიმდინარეობს.
რუსთაველის გამზირის რეაბილიტაციაზე მერიას ტენდერი სამ ნაწილად აქვს გამოცხადებული – თითქო ტენდერი კი თითო მონაკვეთს მოიცავს – თ. ჭოველიძის ქუჩიდან – სავაჭრო ცენტრ ,,მერანამდე’’, სავაჭრო ცენტრ „მერანიდან“-ბესიკის ქუჩამდე და ბესიკის ქუჩიდან-თავისუფლების მოედნამდე. ჯამურად, შესყიდვის სავარაუდო ღირებულება 19 954 650 ლარით განისაზღვრა.