“ტვ პირველის” ინფორმაციით, თბილისის საერთაშორისო აეროპორტში წვიმის შედეგად, დაზიანებულია შიდა სივრცეში არსებული ტექნიკა.
ღამით მოქალაქეების მიერ გადაღებულ კადრებში ჩანს, რომ შენობაშიც ზუსტად ისე წვიმდა, როგორც გარეთ, ამიტომ ხალხი აეროპორტში გაშლილი ქოლგებით იდგა.
თბილისის საერთაშორისო აეროპორტი ამბობს, რომ ოპერირებას ჩვეულ რეჟიმში აგრძელებენ, თუმცა “ტვ პირველის” მიერ გავრცელებული კადრებით, დღეს ათობით მოქალაქე, რომელიც ოჯახის წევრების ჩამოფრენას მოსაცდელი სივრცის ნაცვლად, ისევ ქუჩაში უცდის.
რაც შეეხება გაფრენის სივრცეს, ის შეუფერხებლად მუშაობს. ეს ნაწილი წვიმის შედეგად არ დატბორილა.
ფოტო: ტვ პირველი