საქართველოს კალათბურთელთა ნაკრებმა მსოფლიო ჩემპიონატის შესარჩევი ეტაპის პირველი ნახევარი გამარჯვებით დაასრულა. ქორქია-ჯორჯიკიას არენაზე, სავსე ტრიბუნების წინ, საქართველოს ნაკრებმა ესპანეთი 91:89 დაამარცხა.
შეხვედრა თავიდან ბოლომდე დაძაბულ ვითარებაში წარიმართა. ქართველმა კალათბურთელებმა ერთ-ერთ ძლიერ ევროპულ გუნდთან ბრძოლაში გამარჯვება ბოლო წუთებში მოიპოვეს.
ესპანეთის ნაკრებისთვის მატჩს განსაკუთრებული მნიშვნელობა ჰქონდა – მომდევნო ჯგუფურ ეტაპზე გუნდებს უკვე მოპოვებული ქულები გადაჰყვებათ. საქართველოსთვის კი ეს გამარჯვება მსოფლიო ჩემპიონატის საგზურისთვის ბრძოლაში მნიშვნელოვანი შედეგია.