ბერა ივანიშვილის შეურაცხყოფის საბაბით გიორგი გოგია 3 000 ლარით დააჯარიმეს – გადაწყვეტილება მოსამართლე თორნიკე ქოჩქიანმა თბილისის საქალაქო სასამართლოში გამოაცხადა. შინაგან საქმეთა სამინისტრო გიორგი გოგიას ადმინისტრაციულ სამართალდარღვევათა კოდექსის 166-ე მუხლის საფუძველზე საჯარო სივრცეში ლანძღვა-გინებას ედავებოდა.
შსს-მ შესაძლო სამართალდარღვევად შეაფასა 14 ივნისის გამოქვეყნებული პოსტი, სადაც გოგიამ ბერა ივანიშვილის განცხადება გააზიარა და დაწერა: „განაცხადა **ისშვილმა, რომელიც ბავშვების საცემად ირაკლი ღარიბაშვილს სკოლებში არბენინებდა“.