ლუკა ლოჩოშვილი კარიერას გერმანიის ბუნდესლიგის გუნდში, კიოლნში გააგრძელებს – ინფორმაციას Geo Team ავრცელებს. მათივე ცნობით, საქართველოს ეროვნული ნაკრების ფეხბურთელი ახალ კლუბთან 3-წლიან კონტრაქტს გააფორმებს.
ლოჩოშვილი წარმომადგენლებთან ერთად უკვე გერმანიაში იმყოფება. ის სამედიცინო შემოწმებას დღეს გაივლის, რის შემდეგაც კონტრაქტზე მოაწერს ხელს. კიოლნი ნიურნბერგს ლუკა ლოჩოშვილის სანაცვლოდ 5.5 მილიონ ევროს გადაუხდის.