“მე თქვენთვის არ მიჩივლია, ბატონო ზაქრო. მამუკა მდინარაძე კი არ ვარ და მარიამ ლაშხი, რომ საკუთარ თავს ეგ ვაკადრო…” – ვიკა ბუკია მოქალაქეს, რომელიც მისი შეურაცხყოფისთვის დააჯარიმეს

ჟურნალისტი ვიკა ბუკია სოციალურ ქსელში პოსტს აქვეყნებს და მიმართავს მოქალაქეს, რომელიც მისი შეურაცხყოფისთვის დააჯარიმეს:

“მე თქვენთვის არ მიჩივლია, ბატონო ზაქრო. მამუკა მდინარაძე კი არ ვარ და მარიამ ლაშხი, რომ საკუთარ თავს ეგ ვაკადრო,
თქვენ იმიტომ გსჯიან, რომ თქვენ მათთვის იდეური მოკავშირეები კი არა, უბრალოდ, ბიუჯეტის შესავსები იაფი მასალა ხართ.
იმიტომ გსჯიან, რომ ეს პრეცედენტი შექმნან. ბატონო ზაქარია თქვენ საცდელი კურდღელი ხართ თქვენივე მხარდაჭერილი ხელისუფლების…” – წერს ვიკა ბუკია.

26 ივნისს თელავის რაიონულმა სასამართლომ ტელეწამყვან ვიკა ბუკიას საჯარო შეურაცხყოფისთვის ზაქარია მარკოზაშვილი სამართალდამრღვევად ცნო და 500 ლარით დააჯარიმა.