სპეციალურ პენიტენციურ სამსახურში პატიმრობაში მყოფი ოპოზიციონერი პოლიტიკოსის, ელენე ხოშტარიას ექიმები მაკა იოსელიანი და ანი ქავთარაძე მივიდნენ. მედიკოსები პენიტენციური სამსახურის ხელმძღვანელს, გიორგი პატარიძეს უნდა შეხვდნენ, საუბარი კი შეეხება ელენე ხოშტარიას ჯანმრთელობის მდგომარეობას და ასევე იმას, გადაიყვანენ თუ არა მსჯავრდებულ პოლიტიკოსს სამოქალაქო კლინიკაში.
ექიმებს შეხვედრის დაწყებამდე მედიასთან კომენტარი არ გაუკეთებიათ.
მანამდე, კი ექიმები მაკა იოსელიანი, ანი ქავთარაძე და ადვოკატი შოთა თუთბერიძე რუსთავის N5 პენიტენციურ დაწესებულებაში, მსჯავრდებულ ელენე ხოშტარიას შეხვდნენ.
სპეციალური პენიტენციური სამსახურის შენობასთან იმყოფებიან ოპოზიციონერი პოლიტიკისები და ელენე ხოშტარიას მხარდამჭერები.