ირანის საგარეო საქმეთა მინისტრმა აბას არაღჩიმ განაცხადა, რომ ჰორმუზის სრუტეში საზღვაო მიმოსვლის ომამდელ დონემდე დაბრუნება მთლიანად თეირანზეა დამოკიდებული და რომ სრუტესთან დაკავშირებული ნებისმიერი გამოწვევა „დაძაბულობას გაზრდის“.
ირანის საგარეო უწყების ხელმძღვანელმა ერაყის დედაქალაქ ბაღდადში ვიზიტის დროს გამართულ პრესკონფერენციაზე ლიბანზეც ისაუბრა და კიდევ ერთხელ გაიმეორა, რომ აშშ-სთან ხელმოწერილი ურთიერთგაგების მემორანდუმი ისრაელს ლიბანიდან გასვლას და იქ დარტყმების შეწყვეტას ავალდებულებს.
ის სპარსეთის ყურის ქვეყნებთან უსაფრთხოების ჩარჩოს შექმნის მოწოდებით გამოვიდა.
„უნდა მივაღწიოთ ახალ ჩარჩოს, რომელიც მოიცავს რეგიონის ყველა ქვეყანას და არცერთ ქვეყანას რეგიონის გარედან“, – განაცხადა აბას არაღჩიმ.