კურორტ ბახმაროში სახელდახელოდ მოწყობილი ბლოკპოსტები ამოქმედდა. ადგილზე საჯარო მოხელეები იმყოფებიან, რომლებიც ავტომობილებს ამოწმებენ და ჩხრეკენ.
„ტვ პირველის“ ინფორმაციით, უწყებების წარმომადგენლები განმარტავენ, რომ ღონისძიებები ადგილობრივი მოსახლეობის მიმართვის საფუძველზე ტარდება. მათი თქმით, კონტროლის მიზანი უკანონო მშენებლობების აღკვეთა და ე.წ. „თხოვნის კანონის“ აღსრულებაა.
უკანონო მშენებლობები მიმდინარეობს და ჩოხატაურის მსოახლეობამ გთხოვა, რომ დავიცვათ, – ამბობს საჯარო მოხელე.
ვეკითხებით თუ აქვს ამონაწერისაჯარო რეესტრიდან. სამშენებლო მასალებზეა საუბარი. ჩვენ არავის ვაკავებთ, უბრალოდ, ვაფრთხილებთ, – ამბობს უწყების კიდევ ერთი წარმომადგენელი.
გაფრთოებული შეხვედრის ფორმატში თვითონ მერიის თანამშრომლებმა მივიღეთ გადაწყვეტილება, რომ თხოვნით მივმართოთ მოქალაქეებს, თავი სეიკავონ უკანონო მშენებლობისგან. ვახდენთ მონიტორინგს. არის ორი ჯგუფი, ერთი ხიდის თავში და მეორე – აქ, – ამბობს “პირველებთან” საუბარში ჩოხატაურის მერიის წარმომადგენელი.
ამასთან, ბლოკპოსტზე მდგომებმა ვერ შეძლეს დოკუმენტის ჩვენება, რომელიც მათზე დაკისრებულ მოვალეობას ცხადყოფდა.