ქალი პოლიტიკოსები ელენე ხოშტარიას ჯანმრთელობის მდგომარეობის დამძიმებასთან დაკავშირებით დიპლომატიური კორპუსის წარმომადგენლებს შეხვდნენ – შეხვედრაზე ყურადღება გამახვილდა ელენე ხოშტარიას ჯანმრთელობის მდგომარეობის დამძიმებაზე პოლიტიკური პატიმრობის პირობებში და იმ რისკებზე, რაც მის ჯანმრთელობასა და სიცოცხლეს შეიძლება შეექმნას.
შეხვედრის დროს ასევე განიხილეს ქალთა უფლებრივი მდგომარეობა ქვეყანაში, მათ შორის ქალების როლი წინააღმდეგობის პოლიტიკურ და სამოქალაქო მოძრაობაში, აქტივისტებისა და ქალი პოლიტიკოსების წინაშე არსებული გამოწვევები და ზეწოლის პრაქტიკა. შეხვედრაზე აღინიშნა, რომ დემოკრატიული პროცესების, ადამიანის უფლებებისა და პოლიტიკური თავისუფლებების დაცვის კუთხით საერთაშორისო პარტნიორების ჩართულობას განსაკუთრებული მნიშვნელობა აქვს. პოლიტიკოსი ქალები აღნიშნულ ფორმატში შეხვედრებს მომავალშიც გააგრძელებენ.